Xogamos?: Con este título, levaremos a cabo unha serie de obradoiros de xogo en familia, para fomentar o exercicio positivo do rol parental. Estes obradoiros desenvolveranse ao longo deste curso, nos colexios de Asturias e Madrid inscritos na proposta Facendo Familias. Máis información, na nosa Web.

IV Xornadas de Educación para a Cidadanía: Terán lugar en Sevilla, os días 10 e 11 de febreiro, co obxectivo de analizar os currícula e a práctica docente. Organización e información: Fundación Cives.

Máis rúa para os nenos, se é posible: Con este título, apareceu un interesante artigo no diario “El País”, o pasado día de Reis. Fai referencia a unha realidade moi actual, contra a que loitan proxectos coma “A cidade dos nenos”, do pedagogo Francesco Tonucci, do que temos falado en moitas ocasións. Recomendamos a súa lectura aquí.