En que consiste:
“Axúdanos a mellorar o mundo de Milu” é unha proposta educativa para primaria que utiliza a historia de Milu e esta Web, co obxectivo de elaborar propostas para “mellorar o mundo de Milu”, en dúas dimensións:

• Propostas de mellora desta Web, para facela máis útil e atraínte, tanto para os nenos e nenas, coma para os educadores e educadoras.
• Pero sobre todo, propostas de actuación e de mellora respecto ás situacións evocadas pola historia de Milu:
  - A dos nenos e nenas con situacións persoais e familiares semellantes ou relacionadas (desprotección, non convivencia familiar...).
  - A dos nenos e nenas doutros países do mundo con circunstancias sociais e económicas máis desfavorecidas.

Material educativo
A proposta conta co seguinte material educativo: a carpeta para educadores/as, coas indicacións precisas para a súa aplicación na aula; e para os nenos e nenas, un tríptico coas seis actividades.

descarga o material educativo

Resultados
Nesta proposta participaron un total de 10.502 nenos e nenas, pertencentes a 151 colexios, e co apoio de 526 educadores e educadoras. Rematou cun concurso, no que participaron 46 colexios; elaboramos un libriño que recolle unha selección das achegas recibidas.

Conta cos teus / Eu conto!

AXÚDANOS A MELLORAR O MUNDO DE MILU