Facendo familias é unha proposta educativa para o fomento da participación e responsabilidade da infancia na construción da súa familia e da súa sociedade. Ten dous obxectivos fundamentais:

1. Facilitar a aprendizaxe de estratexias para que as nenas e nenos poidan facer cousas concretas, na medida das súas posibilidades, que contribúan a que as persoas da súa contorna estean mellor.

2. Achegármonos á realidade da infancia e a familia doutros países e culturas, aprendendo a coñecer e respectar a diversidade.

Material educativo
Contamos cun material educativo específico para a Educación Infantil (3-5 anos) e outro para Primaria (6-12).
Esta proposta lévase a cabo dende o curso 05/06 en Galicia, e dende o 07/08 en Asturias e Madrid. Dende entón, teñen participado ao redor de 48.000 nenos e nenas duns 750 colexios, co apoio de 2.500 profesores e profesoras.

Podes consultar a memoria de cada curso e descargar o material educativo premendo aquí.
Se queres participar na proposta educativa Facendo familias, ponte en contacto con nós, ou cubre este formulario.