O pasado 18 de novembro, no marco dos actos de conmemoración do Día dos Dereitos da Infancia, Fundación Meniños celebrou no Centro de Estudios Avanzados da Universidade de Santiago de Compostela o acto público de presentación do Estudio “Evaluación de Resultados en el Programa de Integración Familiar”.
Este evento contou coa presenza destacada da Conselleira de Traballo e Benestar da Xunta de Galicia, Beatriz Mato.
Ao acto acudiron ademais representantes dos equipos de protección de menores da Xunta de Galicia, dos centros de protección da nosa Comunidade, e de diversas entidades relacionadas coa Infancia e o 3º sector.

Durante a Presentación Valentín Escudero, Presidente, e Mónica Permuy, Directora Xeral de Meniños, deron a coñecer o Estudio e os principais resultados e conclusións do mesmo.
Este Estudio realiza unha avaliación retrospectiva dos resultados obtidos no Programa de Integración Familiar (PIF), que se leva a cabo en Galicia. Para a súa elaboración tomouse unha mostra inicial de 697 nenos, nenas e adolescentes do programa. Destes entrevistouse a 111, cos que finalizou a intervención entre 1993 e 2004, e permaneceron coa súa familia de orixe.
Constatouse que ao final da intervención, o 42% dos menores formaba parte dunha familia protectora.
Mónica Permuy destacou tamén que no seguimento realizado a estes 111 nenos e nenas, o 83% continúa actualmente estando nunha situación de protección dentro da familia biolóxica, o que indica unha estabilidade moi alta da situación propiciada polo programa.

Pola súa banda a Beatriz Mato louvou o traballo levado a cabo por Fundación Meniños, e subliñou a importancia da colaboración entre todos os elementos que forman parte do Sistema de Protección de Menores.

Accede ao estudio de evaluación de resultados en el programa de integración familiar (PDF)