O servizo de Intervención Familiar en Galicia préstase baixo
os controis establecidos por un Sistema de Xestión de Calidade aprobado por Buerau Veritas Certification conforme con ISO 9001. Certificado Bureau Veritas Certification ESO18165.

QUE FACEMOS | cooperación técnica

Mediante a cooperación técnica búscase a transferencia de coñecementos e destrezas, o intercambio de experiencias e a formulación de proxectos con outras entidades e países.

Meniños iniciou esta labor de cooperación técnica hai algúns anos a partir da demanda de organizacións non gubernamentais e administracións de Portugal, da nosa colaboración e asesoramento técnico para poñer en marcha programas e actuacións semellantes aos que levamos a cabo no campo da intervención con familias e menores en situación de desvantaxe social, especialmente no Programa de Integración Familiar, (que inclúe Reunificación Familiar e Preservación Familiar).
Estas demandas concretáronse na firma de convenios de colaboración coas entidades Mundos de Vida, Asociação para a Educación e a Solidariedade de Lousado (Portugal), e Centro de Terapia Familiar e Intervenção Sistémica, vinculada ao Instituto de Acção Social da Região Autónoma de Açores (Portugal).

- Accións de Cooperación con Mundos de Vida, Asociação para a Educación e a Solidariedade

- Accións de Cooperación con Centro de Terapia Familiar e Intervenção Sistémica, e Instituto de Acção Social da Região Autónoma de Açores

O noso obxectivo para o futuro é seguir traballando para acadar sinerxias e contribuír ao desenvolvemento da rede social de atención á infancia, esperando ampliar o noso ámbito de cooperación.

Para iso estamos abertos a emprender novas líneas de cooperación con outras entidades e países que traballen en proxectos de intervención, formación e investigación nesta área.