O servizo de Intervención Familiar en Galicia préstase baixo
os controis establecidos por un Sistema de Xestión de Calidade aprobado por Buerau Veritas Certification conforme con ISO 9001. Certificado Bureau Veritas Certification ESO18165.

QUE FACEMOS | implicación familiar

Meniños ofrece un apoio intensivo no entorno familiar do menor ante unha situación de dificultade social. A finalidade é involucrar á familia no coidado e atención dos nenos, nenas ou adolescentes ao seu cargo. Trátase de proporcionarlles un ambiente de protección que evite a separación do seu entorno familiar e social.

Persoas destinatarias
O Programa vai dirixido a nenos, nenas e adolescentes en situación de risco ou desamparo e ás súas familias, detectados nos Servizos Sociais municipais ou por outras instancias, e que se axusten a algunha das seguintes circunstancias:

- Grupos familiares moi desestructurados que precisen intervención psicosocial.
- Grupos familiares con carencias ou escasa motivación ou conciencia da situación de risco na que se encontran os menores.
- Grupos familiares nos que inicialmente non se aprecia unha clara situación de risco para os nenos, nenas ou adolescentes, pero nos que é preciso unha observación máis directa e continua.

Programa
Programa de Implicación Familiar